Tag Archives: Л. Житкевич

1936 – «год Вересова»

(Русский текст под оригиналом на белорусском)

1936 – «год Верасава»

Сярэдзіна 1930-х для шахмат, нягледзячы на ўздым рэпрэсій, была насычана падзеямі, пагатоў з канца 1934 г. у Менску дзеяў адмысловы шахматна-шашачны клуб. Аднак у пачатку 1936 г. беларускіх шахматыстаў (і шашыстаў) агаломшыла сумная навіна: 18 студзеня ў 50 год памёр Антон Касперскі, адзін з наймацнейшых ігракоў Менска, неаднаразовы чэмпіён сталіцы і г. д. Першым у Беларусі яму, праўда, ніводнага разу не ўдалося быць – бліжэй за ўсё да чэмпіёнства стаяў ён у 1932 г. Найбольш праславіўся А. Касперскі як шахматны арганізатар і педагог, пра што і было cказана ў некралогах. Бачыў я іх мінімум два: у газеце «Віцебскі пролетарый» і ў маскоўскай «64». Пазней некаторыя газетныя звесткі – не без агрэхаў – перадрукаваў А. Ройзман у часопісе «Шахматы» (№ 4, 2006).

Вучнямі А. Касперскага былі майстар І. Мазель, першакатэгорнікі Л. Жыткевіч, Я. Камянецкі, Г. Кейлес, Ю. Насцюшонак і інш. Нейкі час вучыўся ў Касперскага і Гаўрыла Верасаў – у пачатку 1936 г. яшчэ першакатэгорнік і прэтэндэнт на званне мацнейшага шахматыста рэспублікі (чэмпіён Менска 1933 г., віцэ-чэмпіён БССР у 1934 г.). 1936 год быў для яго пераломным.

Разам з іншымі менскімі шахматыстамі Гаўрыла Мікалаевіч сустрэўся з Эмануілам Ласкерам; экс-чэмпіён свету наведаў Менск у канцы лютага, пабачыўся з беларускім кіраўніцтвам і даў сеанс у клубе партактыву (+16-3=6). Пазней Верасаў успамінаў: «Мне пашанцавала ў дні маладосці сустрэцца з Эм. Ласкерам і паўдзельнічаць у сумесным аналізе… я тады ведаў вывад тэорыі і таму мяне скрайне здзівіла ласкерава ацэнка «няясна, праблемна». У мяне нават мільганула непаважлівая думка пра Ласкера. Толькі пазней, калі я пасталеў, да мяне дайшло, што тады сустрэліся, з аднаго боку, юны ідалапаклоннік друкаванага слова…, і з другога – спелы думаннік».

Перад сустрэчай з Ласкерам Верасаў гучна заявіў пра сябе ў час вялікага бліцтурніру, адбытага ў клубе імя Сталіна 23 студзеня. Чыстае першае месца – 19,5 з 20! – прынесла студэнту БДУ прыз 100 рублёў, напэўна, зусім не лішні. Бліжэйшыя канкурэнты Я. Камянецкі і А. Іваноў адсталі на 5 (!) ачкоў і атрымалі па 75 руб. Пасля гэткага поспеху Г. Верасаў мог дазволіць сабе адпачынак: мабыць, гэтым тлумачыцца адсутнасць яго ў «трэніровачным турніры 1-й і 2-й катэгорыі», што цягнуўся цэлы месяц (25 студзеня – 25 лютага) пад эгідай шахсекцыі беларускіх прафсаюзаў. Цікавосткай гэтага менскага спаборніцтва было тое, што ў яго запрасілі гомельскіх шахматыстаў Брэйтмана і Грыгор’ева. Тым не менш, як сведчыў чэмпіён Менска 1934 г. Леанід Жыткевіч у сваім «шахматным» дзённіку, «турнір арганізацыйна прайшоў вельмі кепска, бо менскія ўдзельнікі не былі вызвалены ад працы. Так, Камянецкі пасля пройгрышу мне і Клімбоцкаму ўвогуле кінуў турнір без усялякіх для сябе наступстваў. Толькі праз недаацэнку сіл Брэйтмана магло атрымацца, што ён заняў першае месца, ды яшчэ з адрывам на 3 ачкі ад астатніх удзельнікаў. Усе гулялі з ім надта рызыкоўна…»

Не маю прычын аспрэчваць словы сведкі-сучасніка… Але, так ці іначай, Абрам Брэйтман быў даволі моцным іграком, а сярэдзіна 1930-х стала яго «зорным часам». У 1935 г. ён выйграў першынство Гомеля, у 1937 г. будзе ажно віцэ-чэмпіёнам БССР. Бадай, варта прывесці табліцу выйгранага ім у 1936 г. трэніровачнага турніра; бяру яе з «шахматнага» дзённіка Л. Жыткевіча.

Turnir1936

Турнір паводле складу быў не абы-які. Звяртае на сябе ўвагу той факт, што чэмпіён Менска 1932 г. Шэвельман заняў апошняе месца.

Верасаў ужо тады ўваходзіў у склад беларускай шахсекцыі і аддаваў даніну «папулярызацыі» шахмат. Сакавіцкі сеанс адначасовай гульні ў менскім клубе «Медсанпраца» «скончыўся з лікам плюс 11, мінус 2. У Верасава выйгралі тав. Кац і тав. Фарбер (Клінічны гарадок)».

1936-ы быў не толькі «годам Верасава», а і «годам сеансаў», балазе шахматнае жыццё ў СССР істотна ажывілася ў сувязі з міжнароднымі турнірамі 1935 і 1936 гг., а Беларусь была «заходняй брамай» Саюза, праз якую ўязджалі моцныя ігракі. Пасля візіту ў лютым А. Ліліенталь зноў завітаў у Менск у красавіку і даў ажно тры сеансы – у шахматна-шашачным клубе, у клубе металістаў і ў Палітэхнічным інстытуце. Вынік першага Л. Жыткевіч (ён выйграў у сеансёра, гэтаксама як Бабіёр, Гарэлы, Ракавіцкі, Шэвельман, піянер Алесін, д-р Нісневіч і праф. Праскуракоў) лічыць «ганебным» для Ліліенталя (+8-8=4), але дадае, што ў двух астатніх Ліліенталь «адыграўся». 27 красавіка прайшоў і бліцтурнір з удзелам госця, і зноў бліснуў Г. Верасаў:

1936blitz

Яшчэ ў студзені 1935 г. Г. Верасаў у «сярэднім» бліцтурніры нічога асаблівага не паказаў, і Л. Жыткевіч не без іроніі пісаў: «Верасаў тэмпу “бліц” не вытрымлівае, любіць падумаць у складаным становішчы, і толькі ў выйграным для сябе становішчы гуляе хутка». Відавочна, к 1936 г. ён паверыў у сябе, хоць так і не пазбавіўся «цэйтнотнай хваробы»…

У ліпені Г. Верасаў перамог ва ўсебеларускім турніры ЦК Саюза сярэдняй і пачатковай школы (па-за конкурсам). Гэта стала для яго някепскай трэніроўкай: у жніўні Верасаў упершыню заваяваў званне чэмпіёна БССР, апярэдзіўшы прыкладна роўных па сіле першакатэгорнікаў, Абрама Маневіча (чэмпіён рэспублікі 1933 г. з Гомеля) і Уладзіслава Сіліча (пераможца 1934 г., Віцебск). Паводле слушнай заўвагі А. Ройзмана, «чэмпіянат прайшоў у апантанай барацьбе паміж вядучай тройкай». У выніку спартыўныя ўлады СССР «паставілі» ў Беларусі на Верасава; у 1937-м дазволілі яму згуляць матч з майстрам Пановым, то бок далі шанец самому выканаць званне, чым ён і скарыстаўся. Маневічу і Сілічу, пераведзенаму з майстроў у першакатэгорнікі ў 1935 г., прыйшлося «заняць чаргу», чакаць шансаў да 1939 г.

Імпэтна вялася ў 1936 г. падрыхтоўка да чэмпіянату рэспублікі. Якаў Камянецкі ў «Чырвонай змене», дзе вёў шахматны аддзел, 10.07 не прамінуў уставіць шпільку дробным чыноўнікам: «Сакратары советаў фізкультуры закінулі работу ў галіне шахматаў і шашак і пусцілі яе па волі хваль. Тыповым прадстаўніком такіх советаў фізкультуры з’яўляецца Крычаўскі… Трэці раённы турнір пачаўся 10 красавіка, а аб сканчэнні яго яшчэ не чутно».

Kamianeckija

Якаў Камянецкі (1-ы злева ўверсе) з родзічамі. Менск, сярэдзіна 1930-х гг. Фота з архіва В. Камянецкага.

У спецыяльным ілюстраваным шахбюлетэні «Чырвонай змены» (выходзіў у жніўні накладам 1000 экз.; былі выпускі № 1, №№ 2-3 і №№ 4-5, за копіі дзякуй Уладзіславу Новікаву з Масквы) Я. К., ужо пад псеўданімам Я. Шахаў, нахвальваў Верасава («Пяць год ён меў жаданне стаць чэмпіёнам рэспублікі. Пяць год ён дабіваўся гэтага… У яго не хапала баявых якасцяў і ён, добра пачынаючы, зусім дрэнна заканчваў. Сёння ён чэмпіён БССР і, відаць, не на адзін год») і даваў выспятка Камітэту па справах фізкультуры і спорту: «Шалаева, Купчынава, Красніцкага Камітэт… успамінае раз на год. Яны чэмпіёны гарадоў і раёнаў. Цэлы год яны самі па сабе, а камітэт сам па сабе».

І праз два месяцы пасля чэмпіянату («ЧЗ» 16.10.1936, «Расціць майстроў») няўрымслівы маладзён – Камянецкаму ішоў 22-гі год – выкрываў недахопы:

У Менску мы павінны былі мець узорную арганізацыю шахматна-шашачнай работы. Між тым, становішча сёння больш чым сумнае. І менскі гарком камсамола, і менскі гарадскі савет фізкультуры самаўхіліліся… У совеце фізкультуры нам сказалі, што ў Менску ёсць тры гурткі, аднак, пытанне – калі былі апошнія заняткі гэтых гурткоў – засталося без адказу… Віцебская шахматная арганізацыя больш займаецца разборам розных склочных спраў, чым арганізацыяй работы на прадпрыемствах. Не адстае і секцыя ў Бабруйску. Там шахматны работнік у дзесяты раз абяцае яе наладзіць, але далей абяцанняў не ідзе.

Стан спраў у шахсекцыі Віцебска крытыкаваўся таксама ў цэнтральнай прэсе (газета «64» № 55, артыкул Льва Гугеля «Абібокі», у якім перапала і Ул. Сілічу, і М. Жудро…) Праўда, ужо ў № 67 маскоўская газета канставатала ў Віцебску «ажыўленне».

Агулам, праз прэсу ў 1936 г. рабілася ўсё магчымае, каб паказаць, што ў Беларусі шахматы зрабіліся народнай гульнёй. Так, газета «Рабочий» 03.04.1936 рапартавала пра маючы адбыцца ўдзел шахматыстак у чэмпіянаце СССР (Ленінград): «у жаночым турніры гуляюць пераможніцы шахматнага жаночага першынства БССР тав. Шафраноўская з Гомеля, тав. Сілінг – выкладчыца з Бабруйска…» Замест Шафраноўскай у 5-й адборачнай групе выступіла будучая чэмпіёнка БССР Галіна Невідомская (4,5 з 9). Сілінг, на жаль, правалілася ў 4-й групе.

Агенцтва БелТА прапаноўвала ганарыцца таленавітым юнаком: «Вучань 9 класа 7-й жлобінскай школы Талкачоў Юрка – лепшы шахматыст раёна. Днямі Талкачоў у клубе «Кастрычнік» даў сеанс адначасовай гульні на 11 дошках. На сеансе прысутнічала больш 100 чалавек… Па ініцыятыве Талкачова арганізован шахматны гурток у школе» (паводле бабруйскай газеты «Комунар», 14 лютага). Пра іншага «вундэркінда» гаварылася ў «Чырвонай змене» 8 чэрвеня: «У Жлобінскі гарадскі клуб «Кастрычнік» часта прыходзіць сын чыгуначніка Лёва Гарэлік, каб пагуляць у шахматы. Ён тут гуляе з дарослымі. Нядаўна з чатырох партый Лёва выйграў тры. Гуляць у шахматы Лёву навучыў старэйшы брат».

Газета «Рабочий» бадзёра паведамляла пра Гомель: «28 сакавіка ў доме фізкультуры адкрыўся гарадскі шахматна-шашачны клуб. У клубе разгорнута вучэбна-метадычная работа пад кіраўніцтвам мацнейшых ігракоў Гомеля тт. Маневіча, Брэйтмана і Раманюка». Пазней (20.04) паведамлялася, што «на разгортванне шахматна-шашачнай работы гомельскі Савет фізкультуры вылучыў 4000 руб.». Ну і Слуцк… Пра гэты горад нават Я. Камянецкі пісаў пазітыўна-нейтральна: «З 7 па 12 ліпеня ў Слуцку праходзілі першыя акруговыя шахматна-шашачныя спаборніцтвы. У шахматным турніры прымалі ўдзел 10 чалавек… Спаборніцтвы выклікалі вялікую цікавасць у шахматыстаў і шашыстаў Слуцкай акругі» («Чырвоная змена», 15.07.1936).

Адным з улюбёных сюжэтаў для прэсы 1936 г. былі шахматныя гульні паміж дзецьмі. Так, адпаведныя здымкі друкаваліся ў «Рабочем» 15 красавіка (подпіс – «юныя наведвальнікі шахматна-шашачнага клуба ў Менску, вучні 4 класа першай школы»), у «Чырвонай змене» 26 чэрвеня («24 чэрвеня ў садзе «Профінтэрн». Дзеці іграюць у шахматы») і 9 ліпеня («Весела, разумна і культурна адпачываюць дзеці ў піонерскіх лагерах»).

Шмат распавядалася ў тагачасных СМІ пра ІІІ міжнародны турнір у Маскве. Цікава, што журналісты цікавіліся і меркаваннем беларускіх ігракоў («Рабочий», 22.05; 10.06). Першым у спісе экспертаў значыўся, вядома, «удзельнік некалькіх усесаюзных турніраў» Г. Верасаў, і выказаўся ён дужа патрыятычна:

На падставе першых тураў я маю ўражанне, што савецкія майстры не ўступаюць замежнікам у сіле гульні. Асабліва мне падабаецца прадпрымальная жывая гульня Руміна, Рагозіна і Левенфіша, якія ўхіляюцца ад шаблона, смела атакуюць пры найменшай магчымасці. Гульня Батвінніка больш салідная. Адчуваецца, што ён добра падрыхтаваны. Батвіннік, безумоўна, будзе адным з пераможцаў… Капабланка рыхтуецца да матчу за першынство ў свеце і знаходзіцца ў форме… Флор занадта асцярожны.

Апытваліся таксама Насцюшонак, Гаві, Геня Шапіра («работніца-стаханаўка фабрыкі «КІМ», удзельніца менскіх і ўсебеларускіх жаночых турніраў»), Шэвельман і Геда Алесін («вучань 24-й школы, 16 гадоў, падзяліў 1-2 месцы ва ўсебеларускім дзіцячым шахматным турніры»). Па заканчэнні «Рабочий» даў слова таксама Сілічу, Брэйтману і школьніцы Тамары Някрасавай, будучай чэмпіёнцы БССР. Кур’ёзны быў яе водгук… «Батвіннік і Рагозін заўсёды даюць цікавыя партыі. Я думаю, што яны ў наступных турнірах стануць яшчэ вышэй. Партыі Капабланкі і Флора адбываюцца без цікавых камбінацый і не захапляюць».

24 мая была змешчана гутарка з адказным сакратаром шахсекцыі ЦСПСБ Кейлесам, які вярнуўся з Масквы і падзяліўся навінамі пра турнір, перадаў прывітанне ад Ласкера «менскім шахматыстам». Але ж летуценне Кейлеса («Капабланка пасля турніра наведае Крым. На зваротным шляху ён дасць у Менску сеанс адначасовай гульні») засталося летуценнем.

Не прайшло і года пасля першынства работнікаў вышэйшай школы і навуковых устаноў СССР (Мінск, кастрычнік-лістапад 1935 г.; 1-2-е месцы падзялілі Верасаў і маскоўскі майстар Белавенец), як у Беларусі зноў адбыўся ўсесаюзны шахматны турнір – сярод работнікаў запалкавай і фанернай прамысловасці. На першы погляд крыху нечакана, што ён быў праведзены ў Барысаве, аднак, калі ўспомніць, што горад быў «запалкавым» цэнтрам не толькі Беларусі, то ўсё становіцца на свае месцы. 18 чэрвеня «Рабочий» анансаваў: «У турніры возьмуць удзел 35 лепшых шахматыстаў і шашыстаў – пераможцаў фабрычна-заводскіх турніраў».

Першае месца, як адсправаздачыўся той жа «Рабочий» 30.06.1936, заняў інжынер Яфімаў з Масквы, 2-е – барысаўчанін Чарняўскі. Трэцяе-пятае месцы падзялілі Астаф’еў, таварыш Чарняўскага па фабрыцы «Пралетарская перамога», Ізгур з горкаўскай фабрыкі «Чырвоная зорка», і Міраедаў з запалкавай фабрыкі імя Леніна (Ленінградская вобласць).

Гулялі ў Барысаве ў шахматы не толькі на запалкавай фабрыцы. Раённая газета «Большэвік Барысаўшчыны», 23.05.1936: «На каніфольным заводзе быў праведзен шахматны турнір. Турнір працягваўся 10 дзён, удзельнічала 8 чалавек. Першае месца занялі зменны тэхнік Шылёнак і рабочы бондарнага цэха Ізмайлаў. Другое месца [sic] заняў рабочы цэха шырспажыва Адзінцоў».

Чаму было не гуляць? Дзякуючы такім стаханаўкам, як Чарно з камбіната «Камінтэрн» («Увесь час перавыконваю новыя нормы. Замест чатырох комплексаў [sic] шахматных дошак даю 20 у змену»), шахмат, відаць, хапала. I прыпевак пра шчаслівае жыццё многа ў Беларусі назбіралі, і ліст народа тав. Сталіну надрукавалі… Вось з наяўнасцю хлеба ў тым годзе – і не толькі – былі «асобныя недахопы». У кожнай краме 80 год таму, як сведчыў аўтар «Рабочего», вісеў мінімальны асартымент, які прадугледжваў «белы хлеб – 4 р. 20 к. кіло, сітны – 1.50». Насамрэч жа «і чорны па 85 к. за кіло ў нашых крамах можна дастаць далёка не заўсёды» (23.06.1936).

Veresov_Gordon1936

На фота з газ. «Рабочий» 24.08.1936: Гаўрыла Верасаў і Ілья Гардон.

Але, як той спяваў, «нам хлеба не надо, работу давай». У жніўні 1936 г., толькі выйграўшы чэмпіянат рэспублікі, Г. Верасаў ужо мкнуўся ў бой. І пісаў у бюлетэні «Чырвонай змены»: «Для мацнейшых шахматыстаў БССР неабходна ў бліжэйшы-ж час арганізаваць спаборніцтва з лепшымі майстрамі СССР».

Падрыхтаваў Вольф Рубінчык, г. Мінск

wrubinchyk[at]gmail.com

***

1936 – «год Вересова»

Середина 1930-х для шахмат, несмотря на подъем репрессий, была насыщена событиями, тем более что с конца 1934 г. в Минске работал специальный шахматно-шашечный клуб. Однако в начале 1936 г. белорусских шахматистов (и шашистов) оглушила печальная новость: 18 января в 50 лет умер Антон Касперский, один из сильнейших игроков Минска, неоднократный чемпион столицы и т.д. Первым в Беларуси ему, правда, ни разу не удалось быть – ближе всего к чемпионству стоял он в 1932 году: Наиболее прославился А. Касперский как шахматный организатор и педагог, о чем и было cказано в некрологах. Видел я их минимум два: в газете «Віцебскі пролетарый» и в московской «64». Позже некоторые газетные сведения – не без огрехов – перепечатал А. Ройзман в журнале «Шахматы» (№ 4, 2006).

Учениками А. Касперского были мастер И. Мазель, первокатегорники Л. Житкевич, Я. Каменецкий, Г. Кейлес, Ю. Настюшёнок и др. Какое-то время учился у Касперского и Гавриил Вересов – в начале 1936 г. ещё первокатегорник и претендент на звание сильнейшего шахматиста республики (чемпион Минска 1933 года, вице-чемпион БССР в 1934 г.). 1936 год был для него переломным.

Вместе с другими минскими шахматистами Гавриил Николаевич встретился с Эмануилом Ласкером, который посетил Минск в конце февраля. Экс-чемпион мира повидался с белорусским руководством и дал сеанс в клубе партактива (+16-3=6). Позже Вересов вспоминал:

«Мне посчастливилось в дни молодости встретиться с Эм. Ласкером и участвовать в совместном анализе… Мне тогда был известен вывод теории, и поэтому меня крайне удивила ласкеровская оценка «неясно, проблемно». В моём сознании даже мелькнула неуважительная мысль о Ласкере… Лишь позднее, когда я стал более взрослым, до меня дошло, что в ту давнюю пору встретились, с одной стороны, юный идолопоклонник печатного слова…, и с другой стороны, – зрелый мыслитель».

Перед встречей с Ласкером Вересов громко заявил о себе во время большого блицтурнира, состоявшегося в клубе имени Сталина 23 января. Чистое первое место – 19,5 из 20! – принесло студенту Белгосуниверситета приз 100 рублей, наверное, вовсе не лишний. Ближайшие конкуренты Я. Каменецкий и А. Иванов отстали на 5 (!) очков и получили по 75 руб. После такого успеха Г. Вересов мог позволить себе отдых: видимо, этим объясняется отсутствие его в «тренировочном турнире 1-й и 2-й категории», который тянулся целый месяц (25 февраля – 25 февраля) под эгидой шахсекции белорусских профсоюзов. Интерес этого минского соревнования заключался ещё и в том, что в него пригласили гомельских шахматистов Брейтмана и Григорьева. Тем не менее, как свидетельствовал чемпион Минска 1934 г. Леонид Житкевич в своем «шахматном» дневнике, «турнир организационно прошел очень плохо, так как минские участники не были освобождены от работы. Так, Каменецкий после проигрыша мне и Климбоцкому вовсе бросил турнир без всяких для себя последствий. Только вследствие недооценки сил Брейтмана могло получиться, что он занял первое место, да еще с отрывом на 3 очка от остальных участников. Все участники играли с ним очень рискованно…»

Не имею причин оспаривать слова свидетеля-современника… Но, так или иначе, Абрам Брейтман был довольно сильным игроком, а середина 1930-х стала его «звёздным часом». В 1935 году он выиграл первенство Гомеля, в 1937 г. Брейтман станет аж вице-чемпионом БССР. Пожалуй, стоит привести таблицу выигранного им в 1936 г. тренировочного турнира; беру её из «шахматного» дневника Л. Житкевича.

Turnir1936

Турнир по составу был нерядовой. Обращает на себя внимание тот факт, что чемпион Минска 1932 г. Шевельман занял последнее место.

Вересов уже тогда входил в состав белорусской шахсекции и отдавал дань «популяризации» шахмат. Мартовский сеанс одновременной игры в минском клубе «Медсантруда» «закончился со счётом плюс 11, минус 2. У Вересова выиграли тов. Кац и тов. Фарбер (Клинический городок)».

1936-й был не только «годом Вересова», а и «годом сеансов», благо шахматная жизнь в СССР существенно оживилась в связи с международными турнирами 1935 и 1936 гг. Беларусь же была «западными воротами» Союза, через которую въезжали сильные игроки. После визита в феврале А. Лилиенталь снова пожаловал в Минск в апреле и дал целых три сеанса – в шахматно-шашечном клубе, в клубе металлистов и в Политехническом институте. Результат первого Л. Житкевич (он выиграл у сеансёра, так же как Бабиор, Горелый, Раковицкий, Шевельман, пионер Алесин, д-р Нисневич и проф. Проскуряков) считает «позорным» для Лилиенталя (+8-8 = 4), но добавляет, что в двух остальных Лилиенталь «отыгрался». 27 апреля прошел и блицтурнир с участием гостя, где блеснул Г. Вересов:

1936blitz

Еще в январе 1935 г. Г. Вересов в «среднем» блицтурнире ничего особенного не показал, и Л. Житкевич не без иронии писал: «Вересов темпа “блитц” не выдерживает, любит подумать в сложном положении, и только в выигранном для себя положении играет быстро». Очевидно, к 1936 году он поверил в себя, хотя так и не избавился от «цейтнотной болезни»…

В июле Г. Вересов победил во всебелорусском турнире ЦК Союза средней и начальной школы (вне конкурса). Это стало для него неплохой тренировкой: в августе Вересов впервые завоевал звание чемпиона БССР, опередив примерно равных по силе первокатегорников, Абрама Маневича (чемпион республики 1933 года из Гомеля) и Владислава Силича (победитель 1934 г., Витебск). По резонному замечанию А. Ройзмана, чемпионат «прошёл в ожесточённом соперничестве между ведущей тройкой». В результате спортивные власти СССР «поставили» в Беларуси на Вересова; в 1937-м позволили ему сыграть матч с мастером Пановым, то есть дали шанс самому выполнить звание, чем он и воспользовался. Маневичу и Силичу, переведенному из мастеров в первокатегорники в 1935 г., пришлось «занять очередь», ждать шансов до 1939 г.

Энергично велась в 1936 г. подготовка к чемпионату республики. Яков Каменецкий в газете «Чырвоная змена», где вёл шахматный отдел, 10.07 не преминул вставить шпильку мелким чиновникам: «Секретари советов физкультуры забросили работу в области шахмат и шашек и пустили её по воле волн. Типичным представителем таких советов физкультуры является Кричевский… Третий районный турнир начался 10 апреля, а об окончании его ещё не слышно».

Kamianeckija

Яков Каменецкий (1-й слева в верхнем ряду) с родственниками. Минск, середина 1930-х гг. Фото из архива В. Каменецкого.

В специальном иллюстрированном шахбюллетене «Чырвонай змены» (выходил в августе тиражом 1000 экз.; были выпуски № 1, №№ 2-3 и №№ 4-5, за копии спасибо Владиславу Новикову из Москвы) Я. К., уже под псевдонимом Я. Шахов, нахваливал Вересова («Пять лет он имел желание стать чемпионом республики. Пять лет он добивался этого… У него не хватало боевых качеств и он, хорошо начиная, плохо заканчивал. Сегодня он чемпион БССР и, видимо, не на один год») и давал пинка Комитету по делам физкультуры и спорта: «Шалаева, Купчинова, Красницкого Комитет… вспоминает раз в год. Они чемпионы городов и районов. Целый год они сами по себе, а комитет сам по себе».

И через два месяца после чемпионата («ЧЗ» 16.10.1936, статья «Растить мастеров») неугомонный молодой человек – Каменецкому шел 22-й год – вскрывал недостатки:

В Минске мы должны были иметь образцовую организацию шахматно-шашечной работы. Между тем положение сегодня более чем печальное. И минский горком комсомола, и минский городской совет физкультуры самоустранились… В совете физкультуры нам сказали, что в Минске есть три кружка, однако вопрос «когда были последние занятия этих кружков» остался без ответа… Витебская шахматная организация больше занимается разбором различных склок, чем организацией работы на предприятиях. Не отстает и секция в Бобруйске. Там шахматный работник в десятый раз обещает наладить дело, но дальше обещаний не идёт.

Состояние дел в шахсекции Витебска критиковалось также в центральной прессе (газета «64» № 55, статья Льва Гугеля «Бездельники», в которой досталось и Вл. Силичу, и М. Жудро…) Правда, уже в № 67 московская газета констатировала в Витебске «оживление».

В общем, через прессу в 1936 г. делалось всё возможное, чтобы показать, что в Беларуси шахматы стали народной игрой. Так, газета «Рабочий» 03.04.1936 рапортовала о предстоящем участии шахматисток в чемпионате СССР (Ленинград): «в женском турнире играют победительницы шахматного женского первенства БССР тов. Шафрановская из Гомеля, тов. Силинг – преподаватель из Бобруйска… » Вместо Шафрановской в 5-й отборочной группе выступила будущая чемпионка БССР Галина Невидомская (4,5 из 9). Силинг, увы, провалилась в 4-й группе.

Агентство БелТА предлагало гордиться талантливым юношей: «Ученик 9 класса 7-й жлобинской школы Толкачёв Юрка лучший шахматист района. На днях Толкачев в клубе «Октябрь» дал сеанс одновременной игры на 11 досках. На сеансе присутствовало более 100 человек .. По инициативе Толкачева организован шахматный кружок в школе» (по бобруйской газете «Комунар», 14 февраля). Про другого «вундеркинда» говорилось в «Чырвонай змене» 8 июня: «В Жлобинский городской клуб «Октябрь» часто приходит сын железнодорожника Лёва Горелик, чтобы поиграть в шахматы. Он тут играет со взрослыми. Недавно из четырех партий Лёва выиграл три. Играть в шахматы Лёву научил старший брат».

Газета «Рабочий» бодро сообщала о Гомеле: «28 марта в доме физкультуры открылся городской шахматно-шашечный клуб. В клубе развернута учебно-методическая работа под руководством сильнейших игроков Гомеля тт. Маневича, Брейтмана и Романюка». Позже (20.04) сообщалось, что «на развёртывание шахматно-шашечной работы гомельский Совет физкультуры выделил 4000 руб.». Ну и Слуцк… Про этот город даже Я. Каменецкий писал позитивно-нейтрально: «С 7 по 12 июля в Слуцке проходили первые окружные шахматно-шашечные соревнования. В шахматном турнире принимали участие 10 человек... Соревнования вызвали большой интерес у шахматистов и шашистов Слуцкого округа» («Чырвоная змена», 15.07.1936).

Одним из любимых сюжетов для прессы 1936 года были шахматные игры между детьми. Так, соответствующие снимки печатались в «Рабочем» 15 апреля (подпись – «юные посетители шахматно-шашечного клуба в Минске, ученики 4 класса первой школы»), в «Чырвонай змене» 26 июня («24 июня в саду «Профинтерн». Дети играют в шахматы») и 9 июля («Весело, разумно и культурно отдыхают дети в пионерских лагерях»).

Много рассказывалось в тогдашних СМИ о III Международном турнире в Москве. Интересно, что журналисты интересовались и мнением белорусских игроков («Рабочий», 22.05; 10.06). Первым в списке экспертов значился, конечно, «участник нескольких всесоюзных турниров» Г. Вересов, и высказался он весьма патриотично:

На основании первых туров я вынес впечатление, что советские мастера не уступают иностранцам в силе игры. Особенно нравится мне предприимчивая живая игра Рюмина, Рагозина и Левенфиша, уклоняющихся от шаблона, смело атакующих при малейшей возможности. Игра Ботвинника солиднее. Чувствуется, что он хорошо подготовлен. Ботвинник, безусловно, будет одним из победителей … Капабланка готовится к матчу за первенство в мире и находится в форме… Флор чересчур осторожен.

Опрашивались также Настюшёнок, Гавви, Геня Шапиро («работница-стахановка фабрики «КИМ», участница минских и всебелорусских женских турниров»), Шевельман и Геда Алесин («ученик 24-й школы, 16 лет, разделил 1-2 место во всебелорусском детском шахматном турнире»). По окончании турнира «Рабочий» дал слово также Силичу, Брейтману и школьнице Тамаре Некрасовой, будущей чемпионке БССР. Курьёзным был ее отзыв… «Ботвинник и Рагозин всегда дают интересные партии. Я думаю, что они в следующих турнирах станут еще выше. Партии Капабланки и Флора происходят без интересных комбинаций и не увлекают».

24 мая в газете была помещена беседа с ответственным секретарем шахсекции ЦСПСБ Кейлесом, который вернулся из Москвы и поделился новостями о турнире, передал привет от Ласкера «минским шахматистам». Но мечты Кейлеса («Капабланка после турнира посетит Крым. На обратном пути он даст в Минске сеанс одновременной игры») остались мечтами.

Не прошло и года после первенства работников высшей школы и научных учреждений СССР (Минск, октябрь-ноябрь 1935 г.; 1-2-е места поделили Вересов и московский мастер Белавенец), как в Беларуси вновь состоялся всесоюзный шахматный турнир – среди работников спичечной и фанерной промышленности. На первый взгляд немного неожиданно, что он был проведен в Борисове, однако, если вспомнить, что город был «спичечным центром» не только Беларуси, то всё становится на свои места. 18 июня «Рабочий» анонсировал: «В турнире примут участие 35 лучших шахматистов и шашистов победителей фабрично-заводских турниров».

Первое место, как отчитался тот же «Рабочий» 30.06.1936, занял инженер Ефимов из Москвы, 2-е – борисовчанин Чернявский. Третье-пятое места разделили Астафьев, товарищ Чернявского по фабрике «Пролетарская победа», Изгур с горьковской фабрики «Красная звезда», и Мироедов со спичечной фабрики имени Ленина (Ленинградская область).

Играли в Борисове в шахматы не только на спичфабрике. Районная газета «Большэвік Барысаўшчыны», 23.05.1936: «На канифольном заводе был проведен шахматный турнир. Турнир продолжался 10 дней, участвовало 8 человек. Первое место заняли сменный техник Шиленок и рабочий бочечного цеха Измайлов. Второе место [sic] занял рабочий цеха ширпотреба Одинцов».

Почему было не играть? Благодаря таким стахановкам, как Черно с комбината «Коминтерн» («Постоянно перевыполняю новые нормы. Вместо четырех комплексов [sic] шахматных досок даю 20 в смену»), шахмат, видимо, хватало. И частушек о счастливой жизни много в Беларуси насобирали, и письмо народа тов. Сталину напечатали… Вот с наличием хлеба в том году – и не только – были «отдельные перебои». В каждом магазине 80 лет назад, как свидетельствовал автор «Рабочего», висел минимальный ассортимент, который предусматривал «белый хлеб – 4.20 кило, пеклеваный – 1.50». На самом же деле «и чёрный по 85 к. кило в наших магазинах можно достать далеко не всегда» (23.06.1936).

Veresov_Gordon1936

На фото из газеты «Рабочий» 24.08.1936: Гавриил Вересов и Илья Гордон.

Но, как тогда пели, «нам хлеба не надо, работу давай». В августе 1936 года, только выиграв чемпионат республики, Г. Вересов уже стремился в бой. И писал в бюллетене «Чырвонай змены»: «Для сильнейших шахматистов БССР необходимо в ближайшее же время организовать соревнование с лучшими мастерами СССР».

Подготовил Вольф Рубинчик, г. Минск

wrubinchyk[at]gmail.com

Опубликовано 17.08.2016  9:24

 

Артыкулы пра шахматы ў Беларусі (2)

Выказваю ўдзячнасць Вольфу Рубiнчыку за дасланыя цiкавыя матэрыялы. Папярэднiя знаходзяцца тутака:Артыкулы пра шахматы у Беларусi, а таксама Вольф Рубінчык. На яўрэйскiя тэмы

1. Былі ў нас і Сала, і Вера…

Цяперашняя станцыя Негарэлае – зусім не шахматнае месцейка. Хіба што майстры з Брэста ці трэнэры з Баранавіч праскочуць праз яе на які-небудзь «опэн» у Мінск. А 75 гадоў таму Негарэлае, няхай на колькі гадзін, раз-пораз ператваралася ў Нью-Васюкі. Тамака праходзіла мяжа «Польшча/СССР» (чытай – «заходні свет/бальшавікі»), і менавіта на гэтай савецкай станцыі спыняліся цягнікі са слыннымі заходнімі гросмайстрамі, калі тыя ехалі на шахматныя імпрэзы – у прыватнасці, у Маскву. Дарэчы, дзіўна, чаму турнір 1925 г. называецца «першым міжнародным», а турнір 1935 г. – «другім міжнародным», калі і да рэвалюцыі ў Маскве ладзіліся міжнародныя спаборніцтвы з маэстрамі Марка (1907) і Дурасам (1913)? Але гэта так, пабочная заўвага. Безумоўна, турніры 1925 і 1935 гг. былі важнымі падзеямі. І той, і другі выклікалі ў аматараў «шахматную ліхаманку». Магу дапусціць, што ў 1935 г. ейны размах быў меншы, чым на 10 гадоў раней, у адносна сыты год НЭПу. Толькі што – у снежні 1934 г. – забілі Кірава, буяла эпоха гвалтоўнай калектывізацыі, пошуку «трацкістаў» і прочых «двурушнікаў», у тым ліку сярод шахматыстаў…

І ўсё ж прыбыццё ў СССР сузор’я «гросаў» было аддухай для многіх і многіх людзей шахмат. Тое, што замежнікі спыняліся ў Беларусі і крочылі па нашай зямлі, не магло застацца незаўважаным тутэйшымі хранікёрамі. Найбольш падрабязна апісаны быў прыезд Сала Флора: мо таму, што праязджаў ён праз Беларусь у 1935 г. не ўпершыню і спыніўся ў сталіцы БССР: гадзін аж на 48.

Flor_Minsk1935

На здымку Сала Флор злева, Мiнск, 1935 год

Спярша – бачанне з XXI ст.:

«Ні ў час матчу 1933 г. з будучым чэмпіёнам свету Міхаілам Батвіннікам, ні на зваротным шляху ў Прагу Сала Флор нават не задумваўся, што Негарэлае стане для яго нейкім талісманам і яму давядзецца ўбачыць гэты паўстанак яшчэ не аднойчы: у лютым 1935 г. па дарозе з Прагі ў Маскву ён затрымаецца на два дні ў Менску… Праз сорак гадоў, ужо масквіч, ён прыедзе ў Мінск на першынство СССР па шахматах (першая ліга) у якасьці міжнароднага арбітра і на вакзале жартоўна запытаецца ў тых, хто яго сустракаў: “Скажыце, а паўстанак Негарэлае я не праехаў?!”» (Іосіф Калюта, «СБ», 25.03.2006).

«…Па дарозе ў Маскву Флор зрабіў прыпынак у Менску, дзе прабыў два дні. У ягонай праграме быў сеанс на 50 дошках і ўдзел у бліцтурніры. Цікава, што ў сеансе не палічылі для сябе ганебным гуляць вядучыя шахматысты БССР. Таму Флору давялося нялёгка. Сэанс працягваўся 2,5 гадзіны [ніжэй паказана, што гэта не так – В. Р.] і завяршыўся перамогай гросмайстра з лікам 28,5:21,5 (+18 –11 =21)» (Абрам Ройзман, «Шахматы», № 3, 2006).

Сведчанне з дзённіка чэмпіёна Менска 1934 г. Леаніда Жыткевіча, які сам удзельнічаў у тым сеансе 10 лютага 1935 г. «Сэанс праходзіў у Педагагічным інстытуце на Земляробчым завулку… доўжыўся 12½ гадзін і скончыўся з добрымі для гросмайстра вынікамі +18-10=22… Арганізацыйны бок сеансу быў вельмі кепскі…» (паводле часопіса «Шахматы-плюс», № 3, 2004).

Jytkevich

Леанід Жыткевіч

Сеанс у інстытуцкай актавай залі, на які збегліся некалькі соцень гледачоў, пачаўся ўвечары, а ўдзень 10 лютага Сала Флор паспеў яшчэ сустрэцца са старшынём Менскага гарадскога савета Жуковічам, які распавёў чэхаславацкаму маэстру пра поспехі сацыялістычнага будаўніцтва.

Пагудка пра візіт Флора набыла ледзь не сусветны маштаб. Так, гросмайстар Шпільман у гутарцы з карэспандэнтам быў «вельмі здзіўлены, калі даведаўся аб выніках ігры грасмайстра Флора ў сеансе ў Менску, асабліва тым, што сеанс прадаўжаўся 12 гадзін» («Звязда», 14.02.1935). «У 2 гадзіны ночы ў сеансе з Флорам былі закончаны толькі дзве партыі. Абедзьве ўнічыю», – адзначаў неназваны карэспандэнт «Звязды». Ён жа назваў усіх тых, хто перамог Флора: «Жудра, Маневіч, Асадчый, Сташэўскі, Зысман А., Пятроў, Насцюшонак, Жыткевіч, Касперскі А., Клемецкі». У вышэйцытаваным артыкуле Ройзмана ў лік пераможцаў чамусьці ўплішчыўся прафсаюзны бос Пасэ. Мо таму, што гэты чалавек у час сеансу дадумаўся даць тэлеграму маскоўскім шахматыстам, якія ў той вечар гулялі ў сеансе з Капабланкам, і выклікаць іх на «спаборніцтва па якасці гульні»: «Пасля першай гадзіны не маем паражэнняў. Паведамляйце рэзультаты кожныя тры гадзіны». Што самае цікавае, з Масквы ў адказ прыйшла «маланка»: «Капабланка прайграў 14, выйграў 5, нічыіх 4… Прывітанне ад шахматыстаў Масквы. Гольдберг, Гінзбург».

Пэўна, шахматы займалі ў сярэдзіне 1930-х у спартовай іерархіі бадай тую ж прыступку, што цяперака футбол. Рэдакцыя «Апошніх паведамленняў» Белрадыёкамітэта наладзіла «прамы эфір» з Земляробчага завулку, 4. На пачатку перадалі падзякі сеансёра за цёплы прыём, потым транслявалі навіны пра ход гульні. Брыгада «Белдзяржкіно» зафіксавала падзею для кіначасопіса. Як жа ж заадно мастацкую стужку не знялі, а-ля «Шахматная ліхаманка» Пудоўкіна!

Шахматная горячка (1925) х/ф

Сеансы народ палюбляў, «бліц» – не дужа. Сведчыць Л. Жыткевіч: «У бліц-турніры з удзелам Флора, адбытым 11 лютага, я не ўдзельнічаў з-за стомы пасьля сеансу. Бліц-турнір скончыўся перамогай Флора, які выйграў усе партыі».

У «Звяздзе» 12.02.1935 удакладнялася, што ў бліцтурніры бралі ўдзел 10 гульцоў. Другое і трэцяе месцы занялі Жудро і Камянецкі, чацвёртае і пятае – Мазель і Верасаў. Якасьць хуткай гульні майстра Мазеля і без пяці хвіляў майстра Верасава першакатэгорнік Жыткевіч зганіў.

Увечары пасля бліцтурніру Флор выправіўся ў Маскву, дзе 15 лютага стартаваў у Вялікай Шахматнай Гонцы. Пэўна, беларуская зямля натхніла яго на абачлівасць: 7 перамог, 12 нічыіх, 0 паражэнняў – і падзел 1-2 прызоў з Батвіннікам. Савецкі чэмпіён наракаў на стомленасць, чэхаславацкі – ані.

Прыехаўшы ў БССР з Захаду, Флор адразу перадаў «беларускім шахматыстам найлепшае прывітанне» (факсіміле ягонай цыдулкі, пісанай быццам бы ў Негарэлым, прыведзена ў «Звяздзе» 11.02.1935), а калі вяртаўся ў Чэхаславакію з Масквы (ізноў жа, праз БССР), «ПРАСІЎ ПЕРАДАЦЬ ПРЫВІТАННЕ МЕНСКІМ ШАХМАТЫСТАМ І ПАЖАДАЎ ІМ ДОБРЫХ ПОСПЕХАЎ» (іменна буйным шрыфтам гэтыя словы былі надрукаваныя ў «Звяздзе» 9.04.1935). Сала Флор вылучыў менчукоў нароўні з харкаўцамі як найбольш небяспечных супернікаў у СССР (пасля маскоўцаў і ленінградцаў, вядома ж).

Сала Флор лічыўся адным з прэтэндэнтаў на першынство ў свеце прыблізна з 1932 г. і аж да пачатку Другой сусветнай вайны, таму яго выказванням – скарэй ветлівым, чым глыбокадумным – надавалася багата ўвагі. У рэшце рэшт, ягоныя візіты засталіся ў «гістарычнай памяці» тутэйшых гульцоў. Куды менш вядома, што праз Беларусь у 1935 г. праязджала першая чэмпіёнка свету…

«У гутарцы з карэспандэнтам “Звязды” В. Менчык заявіла, што яна з вялікай ахвотай едзе на турнір у Маскву, бо ў Маскве яна вучылася і скончыла пачатковую школу. Яна лічыць, што маскоўскі міжнародны турнір з’яўляецца выключным па колькасці моцных ігракоў. Найлепшыя шанцы на перамогу маюць Капабланка, Флор, Батвінік і Ласкер…» («Звязда», 14.02.1935). Вялікая Вера як у ваду глядзела: менавіта гэтыя гульцы і занялі першыя чатыры месцы з дваццаці (праўда, у іншым парадку).

Вольф Рубінчык

rubinczyk@yahoo.com

Флор – Жыткевіч. Менск, 10.02.1935. Сеанс на 50 дошках.

1. d4 d5 2. c4 e6 3. Кc3 Кf6 4. Сg5 Кbd7 5. cd ed 6. e3 c6 7. Сd3 h6! 8. Сh4 Сe7? 9. Фc2 0-0 10. Кge2! Тe8 11. h3 Кe4! У гэтым была ідэя хода Се7, трэ было замацаваць поле e4. Капабланка ў 32 партыі матчу з Алехіным раіў 8…Сd6.12. Сe7 Фe7 13. Сe4 de 14. g4 Кf6? Лепш было 14…c5 15. dc Кc5, высвятляючы пазіцыю белага караля ў цэнтры. Няможна 16. 0-0-0 Кd3+ і 17Кf2. 15. 0-0-0! Сe6 16. Тdg1. Нельга 16. Кe4 Сa2 17. Кf6+ Фf6 18. b3 Сb3 19. Фb3 Фf2 звырашальнай атакай. 16…b5 17. Крb1? Таb8? Пасля 17…b4 18. Кd1 b3! наўрад ці белыя вытрымалі б атаку чорных.Цяпер ініцыятыва ў белых. 18. Фd1! Тb6 19. g5 hg 20. Тg5 Кh7 21. Тg3 c5 22. Тhg1 g6 23. dc? Фc5 24. Кd4 a5 25. h4Крf8 26. h5? Фh5 27. Фh5 gh 28. Кcb5 Сg4! Вельмі моцны ход, які зводзіць на нішто дзейнасць белых тураў накаралеўскім флангу. 29. Кc3 Кf6 30. Крc2 Тc8 31. Тc1 Кd5 32. a3 Кc3 33. bc Тcb8! 34. c4! Лепш, чым Крd2. 34…Тb2+ 35.Крc3 Тf2 36. c5 Тa2 37. c6 Тa3+ 38. Крc4 Крe7 39. Крc5 Тa4 40. Тgg1 Тg8! Арыгінальны манёўр тураў, які выйграепартыю. 41. Тb1 Тg5+ 42. Крb6 Тb4+ 43. Тb4 ab 44. c7 Тg6+ 45. Крa7 Сc8! 46. Тh1 Крd7 47. Тh5 Тa6+ 48. Крb8 Тb6+ 49. Крa7 Тb7+ 50. Крa8 b3 51. Тh1 b2 52. Тb1 Крc7 і белыя здаліся.

(“Альбино плюс”, Лунінец; № 32, 2010)

2. Чаму Капабланка не выступіў у Менску

Дзявятага лютага 1935 г. на станцыю Негарэлае прыбылі вагоны з Хасэ-Раулем Капабланкам, Саламонам Флорам і Васям Пірцам. Выбітных шахматыстаў сустрэлі прадстаўнікі ўсесаюзнага і беларускага саветаў прафсаюзаў, Вышэйшага савета фізычнай культуры СССР, газетчыкі. Карэспандэнт газеты “Звязда” меў гутарку з Капабланкам. Калі верыць нататцы ў № за 10.02.1935 (аператыўна спрацавала рэдакцыя!), на традыцыйнае пытанне аб шанцах удзельнікаў Капабланка даў такі адказ: “Я ведаю толькі некалькіх савецкіх майстроў. Вось чаму мне цяжка судзіць аб магчымых пераможцах турніру. Для мяне асабіста турнір прадстаўляе выключна вялікую зацікаўленасць”. Адказ, як бачым, надта дыпламатычны: не тое, што ў Веры Менчык (гл. артыкул вышэй). Потым Капабланка трохі распавёў пра сваё падарожжа па Еўропе і “выказаў згоду пры звароце з Масквы спыніцца для ігры ў Менску”. Аднак, заняўшы ў міжнародным турніры 4-е месца, экс-чэмпіён свету нібыта забыўся на сваю згоду-абяцанку. “У канцы сакавіка 1935 г. Капабланка цёпла развітаўся з гасціннымі гаспадарамі [у Маскве] і выехаў у Парыж”, – піша А. Сізаненка ў кнізе “Капабланка. Встречи с Россией” (Масква, 1988). Ехаў гросмайстар зноў праз БССР, але нават прывітання менчукам не перадаў. Чаму?

Першы варыянт адказу: стомленасць. Другі варыянт: Капабланку на мяжы нешта пакрыўдзіла, і ён свядома вырашыў праігнараваць памежны горад Менск. Трэці варыянт: кубінец чакаў запросінаў ад беларускай шахматнай супольнасці, але такіх запросінаў не паступіла ці яны не былі досыць пераканаўчымі. Разгледзім гэтыя варыянты больш пільна.

Ясна, спаборніцтва, расцягнутае на месяц, стаміла і ўдзельнікаў, маладзейшых за 46-гадовага Капабланку. Пагатоў ён яшчэ як след не адаптаваўся да турнірнай барацьбы: у першай палове 1930-х займаўся больш дыпламатычнай службай. Але ж пары тыдняў (турнір завяршыўся 15 сакавіка) было, пэўна, досыць для аднаўлення сіл. Прытым кубінец наважыўся гастраляваць па Украіне ў 1936 г., пасля амаль гэткага ж доўгага і напружанага “Трэцяга маскоўскага міжнароднага турніру”!

Другі варыянт выглядае яшчэ менш імаверным. Важных замежных гасцей у сярэдзіне 1930-х звычайна прымалі па “вышэйшым разрадзе”, пачынаючы ад першай савецкай станцыі. Безумоўна, у Негарэлым падчас выхаду з вагонаў (цягнікі пераводзіліся на іншыя рэйкі, гэтая працэдура займала 1,5-2 гадзіны) пасажыры маглі, напрыклад, выпадкова ўступіць у бруд, што аднойчы здарылася з наркамам Максімам Літвінавым. Але не веру, што Капабланку, якім бы ён ні быў “эстэтам”, пакрыўдзіла б такая драбяза. Дый не ўпершыню ён прыязджаў у СССР: прыкладна ведаў, чаго чакаць ад чыгуначнікаў, чыноўнікаў і агентаў НКУС[1].

У Сізаненкі сказана, што Капабланку клікалі да сябе “Ленінград, Свярдлоўск, Кіеў, Харкаў”. Асабіста мне здаецца, што і тутэйшыя дзеячы запрашалі Капабланку выступіць у Менску, але прапанова выявілася непераканаўчай. Капа мог даведацца пра беларускіх гульцоў у таго ж Ерамеева ці Флора – і, як чалавек прагматычны, палічыў, што сустрэча з імі яго нічому не навучыць, нічога не дадасць да ягонага іміджу, а значыць, не наблізіць запаветнага матч-рэваншу з Алехіным. Насамрэч, у Менску на пачатак 1935 г. не было майстроў: Мазель два гады як з’ехаў, Верасаў жа атрымае гэтае званне толькі ў 1937 г. Адзіны беларускі майстар Сіліч жыў у Віцебску – аднак ягоныя выступы на ўсесаюзным роўні (як і менчука, першакатэгорніка Касперскага) часта пакідалі жадаць лепшага, хоць пазней яго і пахваліў сам Ласкер.

Напэўна, Капабланка прыехаў бы і дзеля сустрэчы з гульцамі першай-другой катэгорый – але ж беларусы не славіліся ні багаццем (то бок магчымасцю выплаціць госцю экстраганарар), ні ўменнем выдатна рыхтаваць шахматныя імпрэзы. Нездарма Леанід Жыткевіч у дзённіку раскрытыкаваў арганізацыю сеансу з Флорам 10 лютага 1935 г. У Маскве Флор мог пераказаць Капабланку, што сеансёру заміналі хадзіць па кругу «чалавек 5 фатографаў і кінааператараў, 3 кансультанты [удзельнікаў сеансу] і чалавек 6 адміністратараў». Кубінскі маэстра, залічаны на ўрадавую службу яшчэ ў пачатку 1910-х гг., адрозна ад Флора альбо, напрыклад, Ліліенталя, меў сталую крыніцу даходу і дазваляў сабе, кажучы мовай савецкіх бюракратаў, “капрызнічаць”.

І ўсё ж… многае залежала ад асобы перамоўніка/перамоўніцы. Калі б менчукі, ведаючы цікавасць Капабланкі да прыўкраснага полу, выправілі размаўляць з гросмайстрам прыгажуню-шахматыстку – мо і выступіў бы ў нас кубінец. Аднак у сярэдзіне 1930-х беларускія шахматы мелі “мужчынскі твар”: Ганна Шарэвіч і Алена Клімец народзяцца няскора, а камсамолкі і ўдарніцы гулялі па-аматарску. Каб хаця ў Беларусі знайшоўся малады імпэтны дзеяч накшталт украінскага журналіста Яўгена Астроўскага, які ў 1936 г. быў карэспандэнтам усіх чатырох днепрапятроўскіх газет на маскоўскім турніры: “Я вярнуўся дадому ў добрым гуморы і, змовіўшыся з сакратаром абкама Хатаевічам, запрасіў у Днепрапятроўск на два сеансы адначасовай гульні самога Капабланку. Ён прыехаў у суправаджэнні сакратара Усесаюзнай шахматнай секцыі Ерамеева”. Дык не знайшлося… А ў Радзівона Шукевіча-Траццякова к таму часу ўжо адбілі ахвоту цягнуць у Менск замежнікаў.

Праязджаў праз Беларусь Капабланка і ў 1936 г. Карэспандэнт “Звязды” зноў узяў у яго інтэрвію на вакзале, але гаворкі пра Менск і беларускіх гульцоў не вялося. Прагучалі стэрэатыпныя пытанні пра “спартовую форму” і шанцы савецкіх майстроў. Капабланка вылучыў масквічоў Руміна і Кана і заявіў, што шахматная справа ў СССР арганізаваная “надзвычай добра”.

Уражанні ад усёй гэтай гісторыі ў мяне дваістыя. Шкада, што Капабланка ў нас не спыніўся, але, з іншага боку, наўрад ці ягоны візіт ператварыў бы Менск у шахматную Меку. Сустрэча з Хасэ-Раулем адно дадала б клопатаў тутэйшым гульцам (да іх пачалі б чапляцца органы бяспекі – глядзіш, у 1937-м выкрылі б сеціва “кубінскіх шпіёнаў”). Суцяшае прынамсі тое, што трэці чэмпіён свету папахадзіў па беларускай зямлі ў Негарэлым, пабачыў беларускія краявіды і ўспомніў пра існаванне газеты “Звязда”.

…Праз 60 гадоў дырэктар мінскага выдавецтва “Бесядзь” Іван Пракопавіч Клімянкоў на зэканомленай паперы перадрукуе рускамоўны пераклад “Падручніка шахматнай гульні” Х.-Р. Капабланкі, тыражом 7000 ас. Так што Капабланкава аўра ў Беларусі захавалася… Як тая ўсмешка Чэшырскага Ката.

Вольф Рубінчык,

rubinczyk@yahoo.com

(“Альбино плюс” № 33, 2010)

3. Флора – у гарсавет, Ласкера – у Саўнаркам!

Не паспеў сціхнуць ажыятаж пасля візіта ў Менск гросмайстра Саламона Флора ў 1935-м, як у 1936-м завітаў Флораў старэйшы калега, сам Эмануіл Ласкер: другі чэмпіён свету, супергросмайстар… “Звязда” радасна паведаміла:

26 лютага ў Менск па запрашэнню шахматна-шашачнай секцыі ЦСПСБ прыехаў былы чэмпіён свету па шахматах гросмейстэр доктар Ласкер.

Днём доктар Ласкер быў на прыёме ў старшыні Соўнаркома БССР тав. Галадзеда. На прыёме таксама прысутнічалі намеснік старшыні СНК тав. Саакян і лепшыя шахматысты Менска.

Вечарам у Доме партактыва доктар Ласкер даў сеанс адначасовай ігры на 25 дошках. Сеанс закончыўся вельмі добрым для Ласкера рэзультатам. Ён прайграў тры партыі, 6 скончыліся ўнічыю і 16 Ласкер выйграў. У Ласкера выйгралі Жыткевіч, Конэ і Зісман А.

Як вядома, к таму часу Ласкер ужо бадай паўгода жыў у Маскве, працаваў у Інстытуце матэматыкі Акадэміі навук. Наўрад ці ва ўзросце пад 70 яму карцела выбірацца ў правінцыйны па сутнасці горад, на які гросмайстар мог нагледзецца і ў 1935 г., па дарозе ў Маскву. Але, пэўна, спрацавала прабеларускае “лобі”. Рэч у тым, што за шахматную працу ў прафсаюзах на ўсесаюзным узроўні ў сярэдзіне 1930-х адказваў Ісак Мазель, нараджэнец Беларусі, які ўмеў ладзіць разнастайныя мерапрыемствы на адлегласці (гл. успамін Аляксандра Котава ў кнізе “Мастерство”: Масква, 1975 г.). Мазель і сам шмат гастраляваў па СССР, не абмінаючы родны Менск. Напрыклад, у чэрвені 1935 г. прыехаў разам з Андрэ Ліліенталем, які пасля маскоўскага турніру застаўся ў Савецкім Саюзе і быў залічаны трэнерам прафсаюзнай шахматнай каманды. Не выключана, што Мазель і Ліліенталь расказалі Ласкеру пра дадатныя бакі Беларусі – той і пагадзіўся. Да таго ж трэ было выконваць абяцанне: “У гутарцы з супрацоўнікам газеты “Звязда” [на вакзале]… Ласкер паведаміў, што ён з вялікай ахвотай у будучым пазнаёміцца асабіста з ігрой менскіх шахматыстаў і сыграе рад партый у Менску” (“Звязда”, 16.08.1935).

Такім чынам, візіт Ласкера (і Андрэ Ліліенталя) у Менск-1936 быў амаль непазбежны і ставаў у шэраг іншых падобных візітаў. Адноснай нечаканасцю выявіўся хіба прыём на вышэйшым узроўні: Флора, нагадаю, віталі толькі ў Менскім гарсавеце. Зрэшты, тагачаснаму кіраўніку беларускага ўраду заставалася жыць крыху больш за год (у чэрвені 1937-га Мікалай Галадзед заб’е сябе – альбо яму дапамогуць следчыя НКУС).

Цікавей за ўсё, натуральна, было б даведацца, што Э. Ласкер насамрэч думаў пра наш край. Аднак наўрад ці ён занатоўваў свае падарожныя думкі. Для друку ж Ласкер ветліва казаў, што “вельмі рады наведаць Менск на пару дзён, гэта прыгожы горад” і што “менскія шахматысты першай катэгорыі паводле сілы гульні не саступаюць гульцам першай катэгорыі Масквы”. Вылучыў “чэмпіёна Верасава” і віцьбіча Сіліча, які “ў час турніру ВЦСПС у Маскве паказаў добрую гульню”. І ўсе засталіся задаволеныя. Папраўдзе, на жаль, менскія гульцы ў сярэдзіне 1930-х саступалі не толькі маскоўскім, а і кіеўскім калегам (што засведчылі два матчы “на выездзе” ў траўні 1935 г., прайграныя беларусамі з аднолькавым лікам 3:7). Антон Касперскі канстатаваў “недахоп тэхнікі ў беларускіх ігракоў”, нават такіх, як Сіліч і Верасаў (“Звязда”, 24.06.1935).

Захаваўся тэкст мінімум адной партыі з “гістарычнага” сеансу. Прыводжу гэтую партыю паводле дзённіка Леаніда Жыткевіча, з каментарамі пераможцы. Дарэчы, дзённік, які доўга перахоўваўся ў мінскім клубе “Вяснянка”, цяпер знаходзіцца ў знакамітага маскоўскага гісторыка шахмат, і ці будзе вернуты ў Беларусь – богведама.

Сіцыліянская абарона

Партыя гулялася 26 лютага 1936 г. у сеансе супраць д-ра Ласкера ў клюбе партактыву

Д-р Ласкер Э. – Жыткевіч

1. е4 с5 2. Kf3 Kc6 3. d4 cd 4. Kd4 Kf6 5. Kc3 d6 6. Ce2 g6 7. Ce3 Cg7 8. 0-0 0-0 9. h3. Гэтак сама Ласкер гуляў пазней супраць Рагозіна ў трэцім міжнародным турніры ў Маскве. Больш ініцыятыўна тут 9. Kb3. Горш f4 з-за Kg4 або нават Фb6?! 9…a6 10. Фd2 Кd4 11. Cd4 b5 12. Cf3 Ce6! Найлепшы ход. Кепска Cb7 з-за е5. 13. Cf6 Cf6 14. e5?Памылковы ход. 14…Се5?! Лепш было de Фd8 Tad8, застаючыся з лішняй пешкай. Чорныя гуляюць на абвастрэнне.15. Са8 Фа8 16. Kd1 Tfc8 17. c3 Фe4 18. Те1 Фh4 19. Ke3 Tc5! 20. Kf1 Tc4 21. f3? Аслабляе каралеўскі фланг. 21…b4! 22. Tac1 Cf4 23. Ke3 bc 24. Tc3 Фg3 25. Фd3?? Фе1+ і белыя здаліся. Мне здаецца, што сеансёр не выпадкова зяўнуў туру, а наўмысна. Справа ў тым, што партыя мая дэманстравалася, і Ласкер, бачачы, што я пасля страты якасці дабіўся добрага становішча, каб не стамляць сябе намарна, зяўнуў туру. Дасведчаны сеансёр заўсёды так робіць.

І яшчэ імпрэсіі Л. Жыткевіча ў перакладзе з рускай мовы:

Ласкер! З гэтым імем звязаная цэлая эпоха ў шахматах. Пераможца Стэйніца ў 1896 г. вельмі добра захаваўся з часу І Маскоўскага міжнароднага турніру 1925 г. У зубах нязменная цыгара. Дужа сціплы. Прагнаў усіх кінааператараў і фатакараў, якія хацелі яго зняць. Хады робіць няспешна. Любіць добра падумаць. Валодае каласальным запасам энергіі. Пад канец сеансу, калі засталося 10-12 партый, ён стаў гуляць не горш, а лепш і выйграў усе гэтыя партыі, хаця ў некаторых стаяў на пройгрыш”.

У “Звяздзе” папярэдне (17.02.1936) паведамлялася, што Ласкер – на манер Флора – возьме ўдзел у бліцтурніры з беларускімі гульцамі. Але пазней ні Жыткевіч, ні прэса пра гульню Ласкера ў такім турніры не кінулі слоўца жаднага. Усё ж і “каласальны запас энергіі” часам вычэрпваецца. Зявок туры ў вышэйпададзенай партыі можна вытлумачыць акурат тым, што старому маэстру ўжо цяжка было даваць гастролі, як ні стараўся ён давесці адваротнае. Ад “бліцу” ён, хутчэй за ўсё, ветліва адмовіўся. К стагоддзю Э. Ласкера С. Флор пісаў у “64”, што ён “свае сілы ўмеў берагчы і ўмеў добра адпачываць”.

В.Р.

(“Альбино плюс” № 33, 2010)

4. Яго баяўся сам Алехін

Калі апытаць нашых заўзятараў, хто з нараджэнцаў Беларусі перамагаў за дошкай вялікага Аляксандра Алехіна, што яны адкажуць? Думаю, працэнтаў 40 прамаўчаць, а астатнія ўспомняць маэстра Давіда Яноўскага, які нарадзіўся ў Ваўкавыску на Гродзеншчыне.

Малады гісторык Павел Лашкевіч упэўнена называе Д. Яноўскага (1868-1927) “беларускім спартоўцам”, хоць той выступаў за Расію ды Францыю і сфармаваўся як шахматыст не на беларускіх землях (навучыўся гуляць у Лодзі, куды яго перавезлі яшчэ дзіцём; раскрыў свой талент у Парыжы 1890-х гг.). Не прыніжаючы Давіда Маркелавіча, які не раз пабіваў Алехіна ў 1910-я гг., успомнім яшчэ аднаго, значна менш вядомага пераможцу будучага чэмпіёна свету. Пагатоў гэтаму пераможцу нават больш пасуе “тытул” нашага земляка.

У рарытэтнай кнізе Уладзіміра Нейштадта і Уладзіміра Пака “Князь Мышкин шахматного царства” (Данецк, 2007), прысвечанай расійскаму майстру Аляксею Селязнёву, натрапіў на дзіўную фразу: “Пасля пройгрышу першых чатырох партый з турніра выйшаў Баброў, лепшы вынік паказаў Аляксандр Алехін, які саступіў моцнаму мінскаму аматару Р. Герцыку.” Ідзецца пра першы “восеньскі” турнір маскоўскага шахматнага гуртка (1909). Падобна, аўтары кнігі не ведалі поўнага імя загадкавага Герцыка, таму і абмежаваліся ініцыялам. А звалі яго Раман, і быў ён прыкметнай фігурай у Мінску 1900-х гг. У артыкуле 1925 г. “З мінулых часоў” (гл.: “Беларусь шахматная. Год 1925”. Менск, 2011, с. 8-9) яго старэйшы брат А. Я. Герцык выклаў некаторыя біяграфічныя звесткі пра мінскага шахматыста, к таму часу ўжо нябожчыка.

Р. Герцык, як і іншыя гульцы І катэгорыі, рэгулярна наведваў кавярню Вянгржэцкага – тагачасны “шахклуб”. Разам з Крайчыкам даваў сеансы за дошкай і ўсляпую, распаўсюджваў шахматную літаратуру. Пятнаццацігадовы Раман Герцык, студэнт камерцыйнай вучэльні, у 1903 г. выйграў два матчы ў Крайчыка – таго самага, які праз год будзе абвешчаны чэмпіёнам Мінска.

Чамусьці А. Герцык не напісаў пра далейшыя шахматныя подзвігі брата. З кнігі Нейштадта-Пака вынікае, што к канцу 1900-х г. Р. Герцык адно падвысіў клас гульні. Ва ўсякім разе, каб перамагчы Алехіна, нават юнага, трэ было мець не абы-які талент; у 1909 г. Алехін якраз атрымаў званне “маэстра”, заняўшы 1-е месца ва Ўсерасійскім турніры аматараў. Выйграў Р. Герцык і ў будучага майстра Селязнёва, і ў Астрогскага ды Цэлікава; праўда, і прайграў 4 партыі з 9, застаўшыся ў сярэдзіне турнірнай табліцы (+4-4=1).

Наўрад ці хто з мінчукоў 100 гадоў таму дабіваўся такіх поспехаў у шахматнай гульні, як Р. Я. Герцык – чалавек, які не дажыў да 40. Спадзяюся, талакою мы адновім яго біяграфію. А калі б знайшлася яго партыя 1909 г. з Алехіным, гэта было б цудоўнай нагодай для адраджэння “жывых шахмат” у нашай сталіцы.

Вольф Рубінчык, г. Мінск

rubinczyk@yahoo.com

(“Альбино плюс”, № 43, 2011)

5. Ліліенталь думаў пра Беларусь

У маі 2011 г. споўнілася 100 гадоў з дня народзінаў выбітнага гросмайстра (венгерскага, потым савецкага, потым зноў венгерскага) – Андрэ Арнольдавіча Ліліенталя. Да юбілею ён не дажыў усяго год – памёр 8 мая 2010 г.[2] Імя Ліліенталя асацыюецца найперш з бліскучай перамогай над Капабланкам у Гастынгсе (1934-35). Пасля маскоўскага міжнароднага турніру 1935 г., закаханы ў рускую жанчыну і ўражаны развіццём шахмат у бальшавікоў, ён застаўся ў СССР, а ў 1939 г. прыняў савецкае грамадзянства. У 1930-х ён даў колькі сеансаў адначасовай гульні ў Беларусі, праверыўшы “тэхніку беларускіх ігракоў”, якая, калі верыць “Звяздзе” ад 24.06.1935, агулам пакідала жадаць лепшага.

“Звязда” 12.02.1935 пісала: “…учора праз Менск у Маскву праехаў чэмпіён Венгрыі гросмайстар Ліліенталь. У гутарцы з кар. “Звязды” Ліліенталь заявіў, што найбольшыя шансы на перамогу ў міжнародным турніры маюць Флор і Батвінік” (прадказанне збылося дакладна). Гросмайстар дадаў, што “з асаблівай ахвотай едзе ў Савецкі Саюз”, што жыў у Маскве да 11-цігадовага ўзросту…[3]

У некаторых выданнях паведамлялася, што гастролі Ліліенталя ў Менску прайшлі ў красавіку 1935 г. Аднак насамрэч яны адбыліся ў сярэдзіне чэрвеня: “Шахматна-шашачная секцыя ЦСПСБ запрасіла прыехаць у Менск гросмайстра па шахматах Ліліенталя і майстра Мазеля” (“Звязда”, 15.06.1935). У № за 17.06.1935 падкрэслівалася, што Андрэ Ліліенталь, гросмайстар востракамбінацыйнага стылю гульні, “астаўся ў СССР і цяпер залічан трэнерам прафсаюзнай каманды ВЦСПС”. На наступны дзень расказвалася пра сеанс на 39 дошках (замест планаваных 35) у актавай залі Вышэйшага педагагічнага інстытута: “Гросмайстар іграў выключна хутка. Сеанс закончыўся за 4 г. 35 м. Такая хуткасць гульні дала добрыя для гросмайстра вынікі (+17-7=15). Выйгралі ў гросмайстра Шукевіч, Брэйтман, Берлінкоў, Маневіч, Насцюшонак, Нікалаенкава і Майзель Ю.

У канцы лютага 1936 г. у Гомелі А. Ліліенталь гуляў на 56 дошках і набраў каля 80% ачкоў; у Менску, хоць сеанс ладзіўся толькі на 5 дошках, вынік быў падобны (+4-1). Рэч у тым, што супроць сеансёра выступілі не проста аматары, а выбраныя ігракі, у т.л. экс-чэмпіёны Беларусі: Брэйтман, Іваноў, Маневіч, Насцюшонак, Сташэўскі.

Ініцыятарам гастроляў Ліліенталя ў БССР 1935-36 гг., імаверна, быў ураджэнец Менска Ісак Мазель – раўналетак гросмайстра, на той час сакратар шахсекцыі ВЦСПС, асоба досыць уплывовая. Магчыма, ён і паспрыяў працаўладкаванню замежніка трэнерам прафсаюзнай каманды. У кожным разе, ва ўчорашняга жыхара Будапешта з пазаўчорашнім “менскерам” усталяваліся адносіны даверу, пра што сведчыць і артыкул у “64” 1939 г. з крытыкай на адрас Мазеля: “Ён ідзе ў Прафвыдат, ад свайго імя і імя Ліліенталя заключае дамову на кнігу, атрымлівае аванс і… з’язджае. Ніхто, вядома, ніякай кнігі не напісаў, затое Ліліенталю давялося прачытаць цыдулку са строгім патрабаваннем Прафвыдата вярнуць аванс, што ў рэшце рэшт і было зроблена”. Хто меў рацыю – цяпер сказаць цяжка. Вядома, аднак, што 18 чэрвеня 1935 г. у Менску Ліліенталь і Мазель згулялі паказальную кансультацыйную партыю супраць Сіліча і Верасава (і выйгралі чорнымі на 35-м ходзе). Выходзіць, супольная творчасць ім была не чужая.

Спартовыя ўлады яшчэ “кінулі” А. Ліліенталя на ўмацаванне чэмпіянату БССР 1938 г. – І месца па-за конкурсам, 10,5 з 13. Адзінае паражэнне гросмайстру нанёс маскоўскі майстар Васіль Паноў, які таксама не браў удзелу ў размеркаванні прызоў. Чэмпіёнам рэспублікі ў тым годзе быў абвешчаны срэбраны прызёр, першакатэгорнік Абрам Маневіч з Гомеля (10 з 13). Дзякуючы прадастаўленай яму магчымасці пазмагацца з вышэйшымі па званнях ён стаў кандыдатам у майстры, а праз год і майстрам. Адну партыю з таго чэмпіянату, выйграную ў бронзавага прызёра Гаўрылы Верасава (на 43-м ходзе), А. Ліліенталь уключыў у зборнік сваіх лепшых партый 1969 г. Як пісаў Абрам Ройзман, гросмайстар даваў сеанс у Менску і ў 1938 г., калі ў чэмпіянаце выпаў выходны. З 29 удзельнікаў нічыю зрабіў толькі Сцяпан Турчыновіч, будучы намрэдактара “Мінскай праўды”.

…Кур’ёзна, што пазалетась у Мінску была зарэгістраваная фірма “Ліліенталь”.

Падрыхтаваў В. Р.

(“Альбино плюс”, № 43, 2011)


[1] Праўда, на карысць версіі аб “памежных крыўдах” гавораць радкі з ліста Капабланкі да Валяр’яна Ерамеева перад турнірам 1936 г.: “Будзьце ласкавы, дайце ўказанне, каб на мяжы мяне не турбавалі наконт багажу. Калі ласка, арганізуйце мне асобнае купэ ад мяжы” (гл. Линдер В., Линдер И. Капабланка в России. Масква, 1988. С. 136-137). У 1935 г., падобна, і багаж кубінца ператрэслі, і ў купэ “падсялілі” непатрэбных асоб.

[2] Цікавы артыкул пра жыццёвы шлях Ліліенталя быў размешчаны на сайце crestbook.com 4 мая 2011 г. (аўтар – Барыс Пастоўскі).

[3] Тут, хутчэй за ўсё, памылка “Звязды”. Маці А. Ліліенталя вярнулася з сынам у Венгрыю ў снежні 1913 г., калі яму не было і 3 гадоў; пра гэта расказваў сам гросмайстар у кнігах “Жизнь шахматам” (Масква, 1969) і “Андрэ Лилиенталь” (Масква, 1989).

P.S. Другие материалы о тех, кто упоминается в очерках Вольфа Рубинчика, можно прочесть на сайте здесь:

“Беженец” К столетию Сало Флора

Шахматный король. Эмм. Ласкер

05.01.2013 / Марат Гаравы

Мінулае і будучыня айчынных шахмат

У апошнія гады палітолаг і перакладчык Вольф Рубінчык вывучае гісторыю айчынных шахмат. Напрыканцы 2012 года ён выдаў кнігу «З гісторыі Беларусі шахматнай», прысвечаную памяці забітага ў гады сталінізму беларускага  паэта і шахматыста Зэліка Аксельрода (1904–1941).